- 2025-12-17
- 5508
Samarqand davlat pedagogika instituti tillar fakultetida QS xalqaro reytingida 58-o‘rinda qayd etilgan Malayziyaning Malaya universiteti delegatsiyasi ishtirokida uchrashuv bo‘lib o‘tdi.
Uchrashuvda fakultet rahbariyati, Xorijiy tillar kafedrasi professor-o‘qituvchilari hamda talabalar qatnashdi. Tadbir ikki tomonlama akademik va madaniy hamkorlikni rivojlantirish, tajriba almashish va o‘zaro aloqalarni mustahkamlashga qaratildi.
Dastur doirasida O‘zbekiston va Malayziyaning milliy urf-odatlari, an’analari va madaniy merosini aks ettiruvchi madaniy-ma’rifiy chiqishlar namoyish etildi.
Shuningdek, ta’lim sohasidagi hamkorlik istiqbollari, talaba va professor-o‘qituvchilar almashinuvi hamda qo‘shma loyihalarni amalga oshirish masalalari muhokama qilindi. Tadbir do‘stona va samimiy ruhda o‘tdi hamda kelgusidagi hamkorlikni kengaytirish uchun mustahkam zamin yaratdi.
Samarqand davlat pedagogika instituti
Axborot xizmati