Respublikamizda 15-martdan 15-aprelgacha “Favqulodda vaziyatlardan muhofaza qilish va fuqaro muhofazasi oyligi” o'tkazilmoqda. 

     Shu munosabat bilan institutimizda FVV Samarqand viloyati boshqarmasi, Hayot faoliyati xavfsizligi o'quv markazi o'qituvchisi A.Turdiqulov hamda talabalar ishtirokida "Fuqaro muhofazasi" mavzusida davra suhbati tashkil etildi. 

     Unda yurtimizda bahor mavsumida sodir bo'ladigan sel, suv-toshqin hodisalarida qanday yo'l tutish lozimligi, zilzila vaqtida zudlik bilan qilinishi lozim bo'lgan dastlabki ishlar haqida ma'lumot berildi. 

     Shuningdek, dunyoda sodir bo'layotgan turli tabiiy ofatlar, ularning qanday bartaraf etilishi haqida ham so'z yuritildi.

Oʻzbekiston-Finlandiya pedagogika instituti 
Axborot xizmati