- 2024-04-09
- 5787
Institutimiz professor-oʻqituvchilarining Qozon federal universitetidagi stajirovkasi nihoyasiga yetdi
Qozon federal universitetida “Innovatsion iqtisodiyot sharoitida OTMning ilmiy-tadqiqot va kasbiy kompetensiyalarini rivojlantirish” dasturi doirasida malakaviy stajirovka oʻtagan O‘zbekiston-Finlandiya pedagogika instituti professor-o‘qituvchilariga sertifikat-guvohnomalarni tantanali topshirish marosimi bo‘lib o‘tdi.
Amaliyotni tamomlaganlik haqidagi sertifikatlarni QFU tashqi aloqalar bo‘yicha prorektori Timirxan Alishev topshirdi.
Marosim so‘ngida mezbon universitetga O‘zbekiston-Finlandiya pedagogika instituti vakillari tomonidan Samarqand shahri tasvirlangan surat sovg‘a qilindi. Endilikda bu surat Etnografiya muzeyining ko'rgazmasi qatoridan oʻrin egallaydi.
Oʻzbekiston-Finlandiya pedagogika instituti
Axborot xizmati