- 2025-01-09
- 3586
"Academic Management ChatBot" loyihasi muhokama etildi
Malayziyaning Perlis universiteti professorlari hamda aniq va amaliy fanlar fakulteti professor-o‘qituvchilari tomonidan sun’iy intellekt asosida ishlaydigan "Academic Management ChatBot" loyihasini amalga oshirish yuzasidan dastlabki qadamlar muhokama etildi. Ushbu loyiha Perlis universitetining ilg‘or ilmiy resurslaridan foydalanishni, talabalar, xodimlar va professor-o‘qituvchilar uchun qulayliklar yaratishni o‘z ichiga oladi.
Shu bilan birga, chatbot tizimi orqali ma’lumotlarga tezkor kirish imkoniyatini ta’minlash va ta’lim jarayonlariga innovatsion texnologiyalarni tatbiq etish rejalashtirilgan. Loyihani amalga oshirish ikki tomonlama ilmiy hamkorlikni mustahkamlab, ta’lim sohasida ilg‘or tajribalar almashinuvini kuchaytirishga xizmat qiladi. Uchrashuv davomida loyiha bo‘yicha qo‘shma faoliyatni yo‘lga qo‘yishning texnik, ilmiy va amaliy jihatlari batafsil ko‘rib chiqildi.
Oʻzbekiston-Finlandiya pedagogika instituti
Axborot xizmati