- 2025-06-09
- 5207
Samarqandda "Xalqaro yozgi maktab" boshlandi
Bugun O‘zbekiston-Finlandiya pedagogika institutida “Samarqand: madaniyatlar, ma’rifat va ta’lim uyg‘unligi” mavzusidagi xalqaro yozgi maktabning ochilish marosimi bo‘lib o‘tdi.
8–16-iyun kunlari davom etadigan mazkur tadbir institut tashabbusi bilan tashkil etilgan bo‘lib, unda Qozog‘iston, Tojikiston, Ozarbayjon, Finlyandiya, Rossiya, Xitoy va O‘zbekistondan talabalar, o‘qituvchilar hamda tadqiqotchilar ishtirok etmoqda.
"Yozgi maktab"ning maqsadi — madaniyatlararo muloqotni rivojlantirish, xalqaro hamkorlikni mustahkamlash va global ta’lim maydonida tajriba almashuvini yo‘lga qo‘yishdir.
Dastur quyidagilarni o‘z ichiga oladi:
➡ Samarqand va O‘zbekiston tarixini o‘rganish
➡ Madaniyatlararo aloqalarni kuchaytirish
➡ Zamonaviy ta’lim metodlari bilan tanishish
➡ Ilmiy izlanish va xalqaro tajriba almashinuvi
Dastur doirasida “Yosh astronom” oromgohiga tashrif ham rejalashtirilgan. Ishtirokchilar tarixiy yodgorliklar, milliy san’at va hunarmandchilik bilan tanishib, seminar-treninglar hamda ijtimoiy-madaniy loyihalarda faol ishtirok etadilar.
Yozgi maktab — bu xalqaro do‘stlik, ilmiy va ijodiy rivojlanish uchun yangi imkoniyatlar maydonidir.
Oʻzbekiston-Finlandiya pedagogika instituti
Axborot xizmati