- 2025-08-25
- 5282
Rektor mahalladagi biriktirilgan yoshlar bilan uchrashdi
Davlatimiz rahbarining tashabbusi bilan uyushmagan hamda jamiyatda o‘z o‘rnini topa olmayotgan yoshlarni ijtimoiy hayotga moslashtirish, sog‘lom turmush tarzini shakllantirish, ularning bo‘sh vaqtini mazmunli tashkil etish maqsadida individual yondashuv asosida ishlash, mas’ul vazirlik va idoralarni biriktirish tizimi yo‘lga qo‘yilgan.
Mazkur tashabbus doirasida Samarqand davlat pedagogika instituti rektori, O‘zbekiston XDP Samarqand shahar kengashi deputati Shahzoda Negmatovaga “og‘ir” toifadagi ishsiz yoshlar bilan manzilli ishlash bo‘yicha yo‘l xaritasi belgilab berilgan. Unga ko‘ra, Jomboy tumanidagi “Beshbola” va “Qoramo‘yin” mahallalaridan jami 28 nafar yosh biriktirilgan.
Bugun rektor va deputat Shahzoda Negmatovaning “Beshbola” mahallasidagi ishsiz yoshlar bilan navbatdagi uchrashuvi bo‘lib o‘tdi. Unda har bir yosh bilan individual suhbat o‘tkazilib, ularning turmush sharoiti, muammolari va ehtiyojlari o‘rganildi. Bildirilgan masalalar ijrosi qat’iy nazoratga olindi.
Samarqand davlat pedagogika instituti
Axborot xizmati