- 2025-11-19
- 5986
Turkiyaning Ordu universitetida “O‘zbek tili va madaniyati” markazi tashkil etildi
Ayni kunlarda Turkiyaning Ordu universitetida xizmat safarida bo‘lib turgan Samarqand davlat pedagogika instituti delegatsiyasi rahbari — institut rektori, professor Shahzoda Negmatovaning tashabbusi bilan ushbu universitetda “O‘zbek tili va madaniyati” markazi ochildi.
Mazkur markaz universitet talabalari, professor-o‘qituvchilari, ilmiy tadqiqotchilar va barcha qiziquvchilar uchun o‘zbek tili, tarixi va milliy madaniyatiga oid chuqur bilim olish, amaliy ko‘nikmalarni mustahkamlash hamda ilmiy-ma’rifiy hamkorlikni rivojlantirishga xizmat qiladi.
Shuningdek, markaz faoliyati O‘zbekiston va Turkiya o‘rtasidagi do‘stlik va madaniy aloqalarni yanada mustahkamlashga munosib hissa qo‘shadi.
Samarqand davlat pedagogika instituti
Axborot xizmati