- 2025-11-21
- 5817
Samarqand shahridagi Prezident maktabi va Samarqand davlat pedagogika instituti o‘rtasida o‘qituvchi almashinuvi, kasbga yo‘naltirish hamda amaliy mashg‘ulotlar sohasidagi o‘zaro hamkorlik to‘g‘risidagi MEMORANDUM imzolandi
O‘zbekiston Respublikasi Prezidentining 2021-yil 19-iyuldagi “Prezident, ijod va ixtisoslashtirilgan maktablar faoliyatini yanada takomillashtirish bo‘yicha qo‘shimcha chora-tadbirlar to‘g‘risida” PQ–5188-son qarori, 2022-yil 14-apreldagi “Prezident ta’lim muassasalari agentligi tizimidagi ixtisoslashtirilgan maktablar tarmog‘ini kengaytirish to‘g‘risida” PF–106-son Farmoni, shuningdek, O‘zbekiston Respublikasi Prezidentining 2025-yil 28-apreldagi “Pedagog kadrlar tayyorlash tizimini yanada takomillashtirish chora-tadbirlari to‘g‘risida” PF–73-son Farmoni 2-ilovasida tasdiqlangan Pedagog kadrlar tayyorlash tizimini rivojlantirish bo‘yicha chora-tadbirlar dasturi ijrosini taʼminlash maqsadida ikki tomonlama hamkorlik kengaytirildi.
Mazkur normativ hujjatlar ijrosi doirasida Prezident, ijod va ixtisoslashtirilgan maktablarda faoliyat yuritayotgan xorijiy mutaxassislar bilan hamkorlikni kuchaytirish, ularni pedagogika oliy ta’lim tashkilotlarining o‘quv jarayoniga jalb etish, shuningdek, 10–11-sinf o‘quvchilari uchun yaqin hududlarda joylashgan oliy ta’lim muassasalarida amaliy mashg‘ulotlarni yo‘lga qo‘yish, o‘zaro tajriba almashish mexanizmini takomillashtirish belgilangan.
Shu maqsadda Samarqand davlat pedagogika instituti hamda Ixtisoslashtirilgan ta’lim muassasalari agentligi tizimiga kiruvchi Samarqand shahridagi Prezident maktabi o‘rtasida o‘zaro hamkorlik to‘g‘risidagi memorandum imzolandi.
Samarqand davlat pedagogika instituti
Axborot xizmati