Математика

KAFEDRA TARIXI

O‘zbekiston Respublikasi Vazirlar Mahkamasining 2021-yil 30-iyundagi “Samarqand Davlat Universitetining O‘zbekiston-Finlandiya pedagogika instituti faoliyatini tashkil etish chora tadbirlari to‘g‘risi”dagi 408-sonli qarori asosida Samarqand davlat universitetining O‘zbekiston-Finlandiya pedagogika instituti tashkil qilindi. Institutda Aniq-tabiiy va jismoniy madaniyat fakulteti bazasida Aniq fanlar kafedrasi tashkil etildi (kafedra mudiri kata o‘qituvchi N.N.Raximov).

Institut rektorining 2023-yil 25-iyuldagi 76-ij Institut Ilmiy Kengashining 2023-yil 3-iyuldagi 9-sonli qarori ijrosini ta’minlash to‘g‘risidagi  buyrug‘i bilan Aniq fanlar kafedrasi Matematika va informatika (kafedra mudiri fizika-matematika fanlari doktori E.N.Sattorov) hamda Fizika-astronomiya kafedralariga ajratilgan.

Institut rektorining 2024-yil 4-sentabrdagi 146-ij Institut Ilmiy Kengashining 2024-yil 12-avgustdagi 14-sonli qarori ijrosini ta’minlash to‘g‘risidagi buyrug‘i bilan Matematika va informatika kafedrasi Matematika hamda Informatika kafedralariga bo‘lindi.  

 Bugungi kunda Matematika kafedrasi (kafedra mudiri PhD N.N.Raximov) da asosiy shtatda 23 nafar professor-o‘qituvchi, o‘rindoshlik asosida esa 13 nafar (shundan 8 nafari ichki o‘rindosh, 5 nafar tashqi o‘rindosh)  professor-o‘qituvchi faoliyat olib bormoqda.  

Kafedra hozirgi kunda Qozon Federal Universiteti, Nijniy-Novgorod davlat pedagogika universiteti, Qozog‘iston Respublikasi Atirau universiteti kabi oliy ta’lim muassasalari va professor-o‘qituvchilari bilan keng qamrovli hamkorlik qilib kelmoqda.

Kafedra o‘qituvchilari tomonidan bugungi kunga qadar 30 dan ortiq darslik, o‘quv qo‘llanma, ma’ruzalar matni, o‘quv-uslubiy qo‘llanma, majmua va ko‘rsatmalar yaratilgan hamda 4 ta monografiya, 50 ga yaqin ilmiy ommabop risola, 10 dan ziyod ilmiy to‘plam va 200 dan ortiq ilmiy maqolalar nashr etilgan.

Kafedraning ilmiy-tadqiqot ishlaridagi mavzusi: “MAVZUSI: Ta’lim - tarbiya jarayonida aniq fanlarni o’qitishning dolzarb muammolari”.

Kafedra a’zolari institutning jamoat ishlarida ham faol qatnashib kelmoqda. Jumladan, kafedra a’zosi fizika-matematika fanlari bo‘yicha falsafa doktori (PhD) Pardaboyev Mardon fakultetning o‘quv-uslubiy ishlar kengashi raisi, kafedra assistent o‘qituvchisi Haqnazarova Xurshida fakultet Xotin-qizlar masalalari bo‘yicha dekan maslahatchisi.

Kafedra faoliyatining asosiy vazifalari:

– o‘quv va o‘quv-uslubiy, maʼnaviy-maʼrifiy, ilmiy va ilmiy-uslubiy yo‘nalishdagi ishlarni amalga oshirish;

– talabalarda matematika fanlarini o‘qitish ko‘nikmalarini shakllantirish;

– talabalarda mantiqiy va tanqidiy fikrlash ko‘nikmalarini shakllantirish;

– kelajakda sifatli matematik  va matematika fani o‘qituvchilarini tayyorlash.

Kafedra o‘qituvchilari tomonidan asosan quyidagi fanlar o‘qitiladi:

Bakalavriat bosqichida o‘qitiladigan fanlar:

– Matematik analiz (majburiy fan);

– Algebra (majburiy fan);

– Analitik geometriya (majburiy fan);

– Algebra va sonlar nazariyasi (majburiy fan);

– Geometriya (majburiy fan);

– Oliy matematika (majburiy fan);

– Chiziqli algebra va analitik geometriya (majburiy fan);

– Matematika o‘qitish metodikasi (majburiy fan);

– Matematikadan misol va masalalar yechish metodikasi (majburiy fan);

– Ehtimollar nazariyasi va matematik statistika (majburiy fan);

– Matematik analizning elementar masalalarni yechishga tadbiqi (tanlov fan);

– Qiziqarli matematika va olimpiada masalalari (tanlov fan);

– Geometriyadan nostandart masalalar yechish metodlari (tanlov fan);

– Informatika o’qitishning zamonaviy metodlari (tanlov fan);

– Abstrakt algebra (tanlov fan);

– Matematik fizika tenglamalari (tanlov fan);

– Funksional analiz (tanlov fan);

– Maktab geometriya kursining murakkab masalalarini yechish (tanlov fan);

Magistratura bosqichida o‘qitiladigan fanlar:

–  Maxsus fanlarni o‘qitish metodikasi (majburiy fan);

–  Analizning tanlangan boblari (majburiy fan);

• Geometriyaning tanlangan boblari (majburiy fan);
• Oliy ta’limda matematikani o‘qitishning zamonaviy texnologiyalari (majburiy fan);
• Oliy ta’limda matematikani o‘qitishning zamonaviy texnologiyalari (majburiy fan);
• Abstrakt algebra (tanlov fan);
• Sonli sistemalar (tanlov fan);
• Uzluksiz matematika ta’lim tizimida modulli o‘qitish metodikasi va amaliyoti (tanlov fan);
• Matematika ta’limotida pedagogik kvalimetriya (tanlov fan);
• Matematika ta’limotida STEAM texnologiyasidan foydalanish (tanlov fan);
• Uzluksiz matematika ta’limining zamonaviy muammolari (tanlov fan);
• Oliy matematik ta’lim jarayonida o‘qituvchi faoliyatini loyihalash (tanlov fan);
• P-adik analizga kirish (tanlov fan);
• Optimal boshqaruv va o‘yinlar nazariyasi (tanlov fan);
• Raqamli ta’lim muhitida matematikani o‘qitish metodikasi (tanlov fan);
• Pedagogik tadqiqotlarda statistik metodlar (tanlov fan).

Kafedraning ilmiy salohiyati:

2024–2024-o‘quv yili boshiga kelib, kafedrada 3 nafar Fizika-matematika fanlari doktori (DSc), 4 nafar fan nomzodi, 6 nafar falsafa fanlari doktori (PhD) faoliyat yuritmoqda. Kafedraning bugungi kundagi salohiyati 41,9% ni tashkil etadi.

Kafedra professor-o‘qituvchilari tarkibi:

Hozirgi kunda kafedrada 36 nafar professor-o‘qituvchi faoliyat yuritib kelmoqda.