- 2024-08-21
Turku universiteti (Finlandiya)
2023-yil 12-iyul kuni O‘zbekiston-Finlandiya Pedagogika Instituti va Finlandiyaning Turku Universiteti o‘rtasida 5 yillik hamkorlik shartnomasi imzolandi. Ushbu shartnoma pedagogika sohasida yangi ta’lim metodlarini ishlab chiqish va o‘qituvchilarning malakasini oshirish kabi masalalarni qamrab oladi. Turku Universiteti bilan hamkorlik O‘zbekistonda ta’lim jarayonida Finlyandiyaning ilg‘or tajribasini tatbiq etishga yordam beradi. Xususan, pedagogik kadrlarni tayyorlashda zamonaviy texnologiyalar va usullarni qo‘llash rejalashtirilgan. Institut talabalari uchun xalqaro darajadagi ma’ruzalar, seminarlar va master-klasslar tashkil etish ko‘zda tutilgan. Bundan tashqari, ikki tomonlama ilmiy-tadqiqot ishlarini olib borish, birgalikda ilmiy maqolalar chop etish va konferensiyalarda ishtirok etish orqali akademik aloqalarni yanada mustahkamlash rejalashtirilgan. Ushbu hamkorlik, shuningdek, o‘qituvchilarning malakasini oshirish uchun yangi metodik qo‘llanmalar yaratishni, pedagogik tadqiqotlar va ta’lim jarayonlarini takomillashtirishni o‘z ichiga oladi. Hamkorlik doirasida pedagogik texnologiyalar va o‘qitish metodologiyalarini tajribadan o‘tkazish uchun sinov dasturlarini amalga oshirish, shuningdek, innovatsion ta’lim usullarini joriy qilish bo‘yicha loyihalar olib boriladi.