- 2024-08-26
Xalqaro Nordik universiteti (O‘zbekiston-Finlandiya)
2023-yil 11-may kuni O‘zbekiston-Finlandiya pedagogika instituti va Xalqaro Nordik universiteti o‘rtasida besh yillik hamkorlik shartnomasi imzolandi. Ushbu hamkorlikning asosiy maqsadi O‘zbekiston va Finlandiya ta’lim tizimlari o‘rtasidagi aloqalarni mustahkamlash hamda o‘quv jarayonini innovatsion yondashuvlar bilan boyitishdan iborat. Hamkorlik doirasida qo‘shma ilmiy loyihalar, talaba va o‘qituvchilar almashinuvi, shuningdek, xalqaro konferensiyalar va seminarlar tashkil etish rejalashtirilgan. Kelishuv, ikki tomonlama bilim almashish va ta’lim sifatini oshirishga qaratilgan bo‘lib, o‘zaro boyituvchi tajribalarni amalga oshirish uchun keng imkoniyatlar yaratadi. Bu hamkorlik, O‘zbekiston va Finlandiya ta’lim tizimlarining global miqyosda tan olinishiga yordam beradi hamda ta’lim sohasida yangi yutuqlarga erishish yo‘lida mustahkam poydevor yaratadi.