- 2024-08-21
Jiangsu normal universiteti (Xitoy)
2023-yil 21-dekabr kuni O‘zbekiston-Finlandiya Pedagogika Instituti va Xitoyning Jiangsu Normal Universiteti o‘rtasida 5 yillik hamkorlik shartnomasi imzolandi. Ushbu shartnoma pedagogik sohada Xitoyning ilg‘or tajribalarini O‘zbekistonga joriy etishga qaratilgan. Jiangsu Normal Universiteti bilan hamkorlikda yangi ta’lim dasturlari, ilmiy-tadqiqot ishlari va malaka oshirish kurslari tashkil etiladi. Shartnoma doirasida, pedagogik metodlarni rivojlantirish, yangi o‘quv dasturlari va materiallarni ishlab chiqish, hamda o‘qituvchilar uchun treninglar va seminarlar tashkil etish rejalashtirilgan. Hamkorlikning asosiy maqsadlaridan biri, O‘zbekiston ta’lim tizimida Xitoy pedagogik tajribasini keng qo‘llash, malakali o‘qituvchilar tayyorlash va pedagogik innovatsiyalarni joriy qilishdir. Jiangsu Normal Universiteti bilan hamkorlik, shuningdek, ilmiy-tadqiqot loyihalarini amalga oshirish, pedagogik texnologiyalarni sinovdan o‘tkazish va xalqaro tajriba almashish imkoniyatlarini taqdim etadi. Ushbu hamkorlik orqali ta’lim sifatini oshirish va yangi pedagogik metodlarni joriy qilish orqali O‘zbekiston pedagogikasini modernizatsiya qilish maqsad qilingan.