Kafedra menedjeri
BOBOJONOV JAMSHID ShERMATOVICH
E-pochta: jamshid_chem@mail.ru
Telefon raqam:
+998 97 757 68 44
Qabul kunlari:
Dushanba-Shanba soat 8:00 dan 16: 00 gacha
Manzil: Samarqand sh., Spitamen shoh ko‘chasi, 166-uy
Ko'proq ma'lumot
Kafedra mudiri lavozim vazifalari:
-
O‘zining xizmat vazifalarini vijdonan bajarish;
-
Mehnat intizomiga rioya qilish, ish beruvchining qonunga muvofiq bo‘lgan farmoyishlari va ko‘rsatmalarini o‘z vaqtida hamda sifatli bajarish;
-
Muassasaning mol-mulkiga avaylab munosabatda bo‘lish va undan oqilona foydalanish;
-
Muassasa jamoasining a’zolari va ish jarayonida aloqa qiladigan boshqa shaxslar bilan xushfe’l munosabatda bo‘lish, kiyinish madaniyatiga rioya etish;
-
Muassasa miqyosida kafedra faoliyatiga taalluqli masalalar muhokamasi va hal etilishida ishtirok etish;
-
Kafedra ish rejasi, professor-o‘qituvchi va xodimlarining shaxsiy ish rejalari hamda kafedra faoliyati doirasidagi boshqa hujjatlarni tasdiqlash;
-
Kafedra pedagog xodimlariga o‘quv yuklamalarini taqsimlash hamda ularning o‘z vaqtida va sifatli bajarilishini nazorat qilish;
-
Kafedraga pedagog kadrlarni tanlov asosida ishga qabul qilinishini ta’minlash, ularni moddiy va ma’naviy rag‘batlantirish, shuningdek, intizomiy jazo choralarini qo‘llash to‘g‘risida OTMsi rahbariyatiga belgilangan tartibda takliflar kiritish;
-
OTMsining tegishli xizmat bo‘linmalaridan o‘quv-tarbiyaviy va ilmiy- tadqiqot jarayonini talab darajasida o‘tkazish uchun zarur bo‘lgan sharoitlarni ta’minlashni talab etish;
-
Belgilangan tartib va muddatlarda o‘quv yilidagi faoliyati bo‘yicha kafedra hisobotini tayyorlash, Ilmiy kengash majlislarida hisobot berish;
-
Tasdiqlangan rejaga muvofiq ilmiy-tadqiqot ishlarini olib borish, tugallangan ilmiy-tadqiqot ishlarini ta’lim, fan va ishlab chiqarish bilan integratsiyasini ta’minlash;
-
Kafedra o‘qituvchilarining shaxsiy ish rejalaridagi o‘quv, ilmiy- uslubiy, ilmiy-tadqiqot, ma’naviy-ma’rifiy va tashkiliy-uslubiy ishlarini ko‘rib chiqish, tajribali o‘qituvchilar faoliyatini o‘rganish, umumlashtirish, ilg‘or tajribalarini ommalashtirishga qaratilgan ishlarni tashkil etish;
-
Zamonaviy pedagogik va axborot-kommunikatsiya texnologiyalarini joriy etish, pedagogik faoliyat bilan shug‘ullanishni boshlagan yosh o‘qituvchilarga pedagogik malaka va ko‘nikmalarni egallashda yordam berish, axborot bazasini yaratish, o‘quv mashg‘ulotlarida zamonaviy o‘quv-texnika vositalaridan, yakka tartibda o‘qitish va mustaqil ta’lim olish uslublaridan samarali foydalanishni yo‘lga qo‘yish, o‘qitishni zamonaviy kompyuter texnikalari bilan jihozlangan maxsus o‘quv auditoriyalarda tashkil qilish bo‘yicha takliflar kiritish, masofali o‘qitish elementlarini rivojlantirish ishlarini amalga oshirish;
-
Ilmiy-pedagogik kadrlarni tayyorlash, kafedra mutaxassisligiga mos yoki turdosh ixtisosliklar bo‘yicha nomzodlik va doktorlik dissertatsiyalarini ilmiy seminarlarda muhokama qilish, ta’lim hujjatlarining me’yor talablariga javob berishini belgilash bo‘yicha ekspert guruhlari tarkibida ishtirok etish;
-
Bitiruvchilarni ishga taqsimlash, bitiruv malakaviy ishi, magistrlik dissertatsiyasining mavzularini shakllantirish, budjetdan tashqari mablag‘larni jalb etish, shuningdek, ilmiy-texnikaviy yordam ko‘rsatish maqsadida ishlab chiqarish korxonalari va boshqa xo‘jaliklar bilan aloqa o‘rnatish;
-
OTMsi (oliy ta’lim muassasasi) va mazkur kafedrada stajor- tadqiqotchi-izlanuvchilari bilan muntazam aloqalarni tashkil etish, bitiruvchilar monitoringini olib borish;
-
Kafedra ixtisosligi bo‘yicha mutaxassislar malakasini oshirishga yo‘naltirilgan tadbirlar o‘tkazish, ta’lim xizmati ko‘rsatish tizimini rivojlantirish;
-
Talabalarning qiziqishlarini e’tiborga olgan holda turli mavzular, yo‘nalishlar va ixtisosliklar, kasb-hunar turlari bo‘yicha to‘garaklar tashkil qilish, kichik korxonalarda, talabalarni darsdan bo‘sh vaqtini unumli va foydali mehnat bilan band qilishga qaratilgan tadbirlarni amalga oshirish;
-
Kafedrada o‘qitiladigan fanlardan laboratoriya ishlarini to‘liq va sifatli o‘tkazilishini ta’minlash hamda kafedra laboratoriyalarini zamonaviy uskuna, qurilma va jihozlar bilan ta’minlanishiga homiylarni keng jalb etish;
-
OTMsining axborot-resurs markazini kafedra ta’lim yo‘nalishlari va mutaxassisliklariga oid yangi o‘quv, ilmiy-texnikaviy va davriy adabiyotlar bilan uzluksiz to‘ldirib borilishini va yangilanishini doimiy nazorat qilish;
-
Oliy ta’limning davlat ta’lim standartlariga muvofiq tuzilgan o‘quv rejalardagi fanlar bo‘yicha belgilangan mashg‘ulot turlarini yuksak nazariy, ilmiy-uslubiy va kasbiy darajada o‘tkazish, ta’lim sifatini ta’minlash;
-
Talabalarning malakaviy amaliyoti, kurs loyihalari (ishlari), bitiruv malakaviy ishlari, magistrlik dissertatsiyalariga, shuningdek mustaqil ishlari va ilmiy-tadqiqot ishlariga rahbarlik qilish;
-
Talabalar bilimining reyting nazoratini joriy etish, talabalarning auditoriyadan tashqari ishlarini tashkil etish bo‘yicha tadbirlar o‘tkazish;
-
Rivojlangan demokratik davlatlar darajasidagi yuksak ma’naviy va axloqiy talablarga javob beruvchi yuqori malakali raqobatbardosh kadrlarni tayyorlash;
-
Kafedra fanlari bo‘yicha o‘quv dasturlarni ishlab chiqish va belgilangan tartibda tasdiqqa taqdim etish, shuningdek turdosh kafedralar tomonidan tayyorlangan o‘quv dasturlarga taqriz va xulosalar tayyorlash;
-
Darslik, o‘quv, uslubiy va ko‘rgazmali qo‘llanmalarni tayyorlash, qayta nashr etiladigan darslik, o‘quv qo‘llanma va o‘quv-uslubiy adabiyotlar, shu jumladan xorijiy olimlar bilan hammualliflikda yaratilgan adabiyotlarga xulosalar tuzish;
-
Kafedra yo‘nalishlari va mutaxassisliklar bo‘yicha DTS, o‘quv rejalari va dasturlarini rivojlangan xorijiy mamlakatlarning ta’lim dasturlari bilan qiyosiy tahlilini muntazam ravishda olib borish va takomillashtirish;
-
Iqtidorli talabalarni tanlash va ularni tarbiyalash, olimpiada va tanlovlarda, shu jumladan “Iste’dod” jamg‘armasi va davlat grantlari tanlovida ishtirok etishga tayyorlash, talabalarning mustaqil ishlash shakl va uslublarini takomillashtirish bo‘yicha choralar ko‘rish;
-
Talabalar ilmiy-ijodiy faoliyatini tizimli asosda tashkil etish, iqtidorli talabalarni aniqlash va ularni ilmiy tadqiqotlarga jalb etish, ilmiy-tadqiqot ishlarini individual va jamoa bo‘lib bajarishga o‘rgatish, ularning ilmiy-ijodiy faoliyatini ro‘yobga chiqarish uchun zarur tashkiliy, uslubiy va moddiy-texnikaviy shart-sharoitlarni yaratish;
-
Mehnat qonunchiligida belgilangan boshqa majburiyatlar va huquqlardan foydalanish;
-
Kafedra mudiri elchixonalar, chet el tashkilotlari hamda chet mamlakatlar vakillari ishtiroki bilan o‘tkaziladigan tadbirlarini yuqori tashkilotlar tomonidan belgilangan tartibda xalqaro aloqalar Kengashi qarori bilan yoki istisno tariqasida rektor farmoyishi asosida yuqori tashkilotlar orqali amalga oshiradi.
Bobojonov Jamshid Shermatovich, 1988 yil 12 mayda Samarqand viloyatining Qoshrabot tumanida tug‘ildi. 1995 yil Payariq tumanida joylashgan 36-umumta’lim maktabning 1-sinfiga qabul qilindi, 2004 yilda shu maktabning 9 sinfini tamomladi. 2004 yil Samarqad shahrida Samarqand tibbiyot instituti qoshidagi Litsey internatiga o‘qishga kirdi va 2006 yil tamomladi. 2010-2014 yillarda Samarqand Davlat universiteti Tabiiy fanlar fakulteti Kimyo yo’nalishida bakalaviyat bosqichini, 2014-2016 yillarda O’zbekiston milliy universiteti Kimyo fakultetida magistratura bosqichlarini a’lo baholarga tamomlagan.
2016-2018 yillarda Samarqand davlat qishloq xo’jalik instituti Fizika va kimyo kafedrasida assistant lavozimida ish faoliyatini boshlagan. 2018-2019 yillarda Samarqand viloyati Payariq tumani 36-umumta’lim maktabida O’IBD o’rinbosari, 2019-2020 yillarda Toshkent davlat texnika universiteti Umumiy kimyo kafedrasi assistenti, 2020-yilda O’zR FA Umumiy va noorganik kimyo instituti kichik ilmiy xodimi lavozimlarida ishlagan.
J.Bobojonov 2021-yil O’zR FA Umumiy va noorganik kimyo institutiga 02.00.13 Noorganik moddalar va ular asosidagi materiallar texnologiyasi ixtisosligi bo’yicha tayanch doktoranturaga qabul qilindi va muddatidan oldin 2023 yilda PhD dissertatsiyasini muvoffaqiyatli himoya qildi hamda O’zbekiston-Finlandiya pedagogika instituti Tabiiy fanlar kafedrasiga assistant lavozimiga ishga qabul qilindi.
Bobojonov Jamshid Shermatovich 2023 yil 11 avgustdan buyon Kimyo kafedrasi mudiri lavozimida ishlab kelmoqda.
Ish faoliyati davomida fakultetning turli jamoat ishlarida faol qatnashib kelmoqda. U oʼziga va yonidagilarga nisbatan talabchan, oʼz oldiga qoʼyilgan maqsad va vazifalarni aniq belgilash va uni oʼz vaqtida bajarish, ishchi xodimlarga vazifalarni aniq belgilash, turli masalalarni hal etishda initsiativ va ijodiy yondashish xususiyatiga ega, shu bilan jamoadagi sogʼlom muhitni yaratishda koʼmaklashadi, bu esa uning tafsifnomasidagi kuchli tarafi xisoblanadi. Uylangan, 3 nafar farzandi bor.
| # | Nomi | Darajasi | Chop etilgan sana | Yukalsh |
|---|