Biologiya kafedrasi tarixi
O‘zbekiston Respublikasi Vazirlar Mahkamasining 2021-yil 30-iyundagi №408-sonli qaroriga asosan Samarqand davlat universitetining O‘zbekiston–Finlandiya pedagogika instituti tashkil etildi. Institut tarkibida 15 ta kafedra shakllantirildi. Shular qatorida Tabiiy fanlar kafedrasi ham tashkil etildi.
Kafedra tarkibida bakalavr bosqichi uchun “Kimyo”, “Biologiya”, “Geografiya va iqtisodiy bilim asoslari” yo‘nalishlari, magistratura bosqichi uchun esa Aniq va tabiiy fanlarni o‘qitish metodikasi (kimyo, biologiya va geografiya) yo‘nalishlari mavjud edi.
2021-yil 6-avgustdan Samarqand davlat universitetining O‘zbekiston–Finlandiya pedagogika instituti tashkil etilishi munosabati bilan Aniq-tabiiy fanlar va jismoniy madaniyat fakulteti tashkil topdi. Tabiiy fanlar kafedrasi ushbu fakultet tarkibida faoliyat olib bordi. 2021-yil 10-avgustdan kafedra mudiri lavozimida F.A. Xamroyeva faoliyat yuritdi.
2023-yilda O‘zbekiston–Finlandiya pedagogika institutining Ilmiy kengashi qaroriga muvofiq (2023-yil, Bayonnoma №9) Tabiiy fanlar fakulteti tashkil etildi. Ushbu fakultet tarkibida Biologiya va geografiya kafedrasi ochildi.
2024-yilda O‘zbekiston–Finlandiya pedagogika institutining Ilmiy kengashi qaroriga asosan (2024-yil 7-sentabr, Bayonnoma №2) Biologiya va geografiya kafedrasi tarkibidagi Biologiya va Geografiya ta’lim yo‘nalishlari alohida kafedralarga ajratildi. Natijada Biologiya kafedrasi tashkil etildi va kafedra mudiri lavozimiga Biologiya fanlari bo‘yicha falsafa doktori (PhD) Mamadiyarov Muzaffar Umirzokovich tayinlandi.
Hozirgi vaqtda Biologiya kafedrasi mudiri sifatida dotsent Jumayev Shuhrat Maqsadovich faoliyat yuritib kelmoqda.
Bugungi kunda Biologiya kafedrasida asosiy shtat birlikda faoliyat yuritayotgan professor-o‘qituvchilar soni 18 nafarni tashkil etadi. Shundan 4 nafar dotsent, 4 nafar PhD va 10 nafar assistent hisoblanadi. Kafedraning ilmiy salohiyati 38,08 %ni tashkil etadi.
Kafedra professor-o‘qituvchilari tomonidan hozirgi kungacha 6 ta o‘quv qo‘llanma, 4 ta monografiya, 10 ta o‘quv-uslubiy qo‘llanma, 200 ga yaqin ilmiy maqola hamda 250 dan ortiq ilmiy-ommabop maqolalar chop etilgan.
Kafedra huzurida “Yosh biologlar” nomli ilmiy to‘garak faoliyat yuritib kelmoqda.
