- 2026-04-14
- 1371
Samarqand va Shahrisabz pedagogika institutlari o‘rtasida hamkorlik aloqalari mustahkamlanmoqda
Samarqand davlat pedagogika institutida Shahrisabz davlat pedagogika instituti rahbariyati vakillari bilan uchrashuv bo‘lib o‘tdi. Uchrashuvning asosiy maqsadi ikki oliy ta’lim muassasasi o‘rtasidagi hamkorlikni yanada rivojlantirish hamda istiqboldagi qo‘shma loyihalarni muhokama qilishdan iborat bo‘ldi. Mehmonlar institutda talabalar uchun yaratilgan zamonaviy sharoitlar, o‘quv auditoriyalari hamda registrator ofisi faoliyati bilan yaqindan tanishdilar. 🖋 Yakunda ikki tomonlama memorandum imzolandi. Mazkur hujjatga muvofiq, tomonlar professor-o‘qituvchilar almashinuvi, ilmiy hamkorlikni rivojlantirish, ta’lim metodikasi va texnologiyalari bo‘yicha tajriba almashish, ilmiy nashrlar doirasida hamkorlik qilish, turli ilmiy-amaliy tadbirlarni birgalikda tashkil etish, kadrlar malakasini oshirish, ilmiy rahbarlikni yo‘lga qo‘yish hamda talabalar akademik mobilligini rivojlantirish yo‘nalishlarida hamkorlikni yanada kuchaytirishga kelishib oldilar.
