- 2024-09-05
- 2438
Yangi o'quv yili - yangi imkoniyatlar
Bugun O'zbekiston-Finlandiya pedagogika instituti rektori Shahzoda Negmatova va institut mas'ullari ishtirokida yangi 2024-2025-o'quv yili uchun ilmiy, o'quv, ma'naviy-ma'rifiy tayyorgarlik holati yuzasidan yigʻilish bo'lib o'tdi.
Unda talabalarni kutib olish, ularga "Mustaqillik darsi"ni sifatli tashkil etish,1-kurs talabalariga o'qish tizimi va kredit-modul haqida individual ma'lumot berish, institut xodimlari va professor-o'qituvchilar uchun KPI tizimini joriy etish, yosh olimlarni qo'llab quvvatlash, ularni chet el oliy ta'lim muassasalarida stajirovka o'tashi uchun imkoniyatlardan xabardor qilish kabi bir qator masalalar yuzasidan kelgusi vazifalar belgilab berildi.
Shuningdek, ta'lim sifatini nazorat qilish, kutubxonada talabalar uchun kerakli sharoitlarni tashkil etish, korrupsiya holatlariga yo'l qo'ymaslik yuzasidan kerakli tavsiyalar berildi.
Oʻzbekiston-Finlandiya pedagogika instituti
Axborot xizmati