- 2026-02-17
- 5524
Pedagogika fakultetida huquqbuzarliklarning oldini olishga qaratilgan ma’rifiy uchrashuv o‘tkazildi.
Pedagogika fakulteti professor-o‘qituvchilari ishtirokida fakultetda sog‘lom ma’naviy muhitni yanada mustahkamlash, korrupsiyaning oldini olish, diniy ekstremizm va terrorizm g‘oyalariga qarshi kurashish, shuningdek noqonuniy diniy materiallarni tayyorlash, saqlash va tarqatish holatlarining oldini olish maqsadida tushuntirish hamda ogohlantirish suhbati tashkil etildi.
Suhbat davomida mazkur illatlarning jamiyat taraqqiyotiga salbiy ta’siri, ularning oldini olish bo‘yicha amaldagi qonunchilik talablari hamda har bir pedagogning mas’uliyati xususida batafsil ma’lumot berildi. Ishtirokchilarga ogohlik, hushyorlik va daxldorlik tuyg‘usini kuchaytirish zarurligi alohida ta’kidlandi.
Samarqand davlat pedagogika instituti
Axborot xizmati