- 2026-03-28
- 5508
Samarqand davlat pedagogika institutida “Musiqa pedagogikasida innovatsiyalar va madaniyatlararo yondashuvlar: Yevrosiyo tajribalari” mavzusidagi xalqaro ilmiy-amaliy anjuman bo‘lib o‘tdi.
Anjumanda yurtimiz hamda xorijiy davlatlardan tashrif buyurgan vakillar, soha mutaxassislari va institut professor-o‘qituvchilari ishtirok etib, mazkur mavzuning dolzarbligiga alohida e’tibor qaratdilar. Ma’ruzalarda musiqa pedagogikasiga innovatsion yondashuvlarni joriy etish, ilg‘or tajribalarni ommalashtirish hamda madaniyatlararo hamkorlikni rivojlantirish masalalari keng yoritildi.
Tadbir davomida talabalar tomonidan milliy san’at namunalari namoyish etilib, anjumanga o‘zgacha ruh bag‘ishladi.
Samarqand davlat pedagogika instituti
Axborot xizmati