- 2025-01-08
- 2164
Malayziyaning Perlis universiteti bilan hamkorlik memorandumi imzolandi
Bugun O‘zbekiston-Finlandiya pedagogika institutida Malayziyaning Perlis universiteti vakillari ishtirokida uchrashuv bo‘lib o‘tdi. Unda ilmiy tadqiqotlar sohasida qo‘shma loyihalarni amalga oshirish, akademik almashinuv dasturlarini kengaytirish, innovatsion texnologiyalarni joriy etishda tajriba almashish va o‘quv jarayonlarini takomillashtirish masalalari muhokama qilindi.
Shuningdek, kelgusida birgalikda xalqaro konferensiyalar, seminarlar, treninglar tashkil qilish, xalqaro grant loyihalarida ishtirok etish va qo‘shma ta’lim dasturlari asosida talabalar uchun yangi imkoniyatlar yaratish bo‘yicha takliflar ilgari surildi.
Yakunda oliy o'quv yurtlari o‘rtasida ikki tomonlama hamkorlikni mustahkamlashga xizmat qiluvchi memorandum imzolandi.
Oʻzbekiston-Finlandiya pedagogika instituti
Axborot xizmati