- 2026-02-11
- 5939
O‘zbekiston Respublikasi Prezidenti Shavkat Mirziyoyevning Pokiston Islom Respublikasiga davlat tashrifi – ikki do‘st xalq o‘rtasidagi strategik sheriklikni mustahkamlovchi muhim qadamdir.
Tashrif davomida erishilgan kelishuvlar siyosiy ishonch, iqtisodiy hamkorlik va madaniy aloqalarni yangi bosqichga olib chiqadi. Imzolangan bitimlar va memorandumlar savdo‑investitsiya aloqalarini kengaytiradi, transport va logistika yo‘nalishlarini rivojlantiradi hamda ilmiy va madaniy almashinuvlarni chuqurlashtiradi.
Davlatimiz rahbariga berilgan oliy unvonlar, “Toshkent” ko‘chasi va Bobur bog‘ining ochilishi – O‘zbekistonning xalqaro maydondagi obro‘sini oshiradi va tarixiy hamjihatlikni yodga soladi.
Ushbu tashrif – mustahkam hamkorlik, tinchlik va taraqqiyot yo‘lida qo‘yilgan muhim qadam bo‘lib, O‘zbekistonning ishonchli va mas’uliyatli xalqaro sherik sifatidagi pozitsiyasini yana bir bor tasdiqlaydi.
Shahzoda Negmatova
Samarqand davlat pedagogika instituti rektori, professor
Xalq deputatlari Samarqand shahar kengashi deputati