- 2026-02-27
- 5518
Bugun Samarqand shahridagi Yoshlar markazida viloyat hokimi Adiz Boboyev tomonidan payshanba — “Yoshlar kuni” munosabati bilan samarqandlik bir guruh yoshlar ishtirokida ochiq muloqot tashkil etildi.
Mazkur uchrashuvda institutimiz Ta’lim va tarbiya nazariyasi va metodikasi (boshlang‘ich ta’lim) mutaxassisligi 1-bosqich magistranti Guliruxsor Ro‘zmatova o‘zining “Home Edu” loyihasi bilan ishtirok etdi. Viloyat hokimi ushbu loyiha g‘oyasining dolzarbligi va bugungi zamon talablari bilan hamohang ekanini alohida e’tirof etib, uni amaliyotga joriy etish muhimligini ta’kidladi.
Loyihaning dasturiy jihatdan to‘liq va sifatli yakunlanishini ta’minlash maqsadida institut rektori Shahzoda Negmatova tomonidan tashabbus batafsil o‘rganib chiqildi hamda mas’ul mutasaddilarga tegishli topshiriqlar berildi.
Samarqand davlat pedagogika instituti
Axborot xizmati