- 2025-01-28
- 3268
“Eng yaxshi institut rektori” tanlovi g‘olibini taqdirlash marosimi bo‘lib o‘tdi
2024-yilgi “Yilning eng yaxshi rektori” VII an’anaviy ko‘rik-tanlovining “Eng yaxshi institut rektori” nominatsiyasi g‘olibi deb topilgan O‘zbekiston-Finlandiya pedagogika instituti rektori, professor Shahzoda Negmatova tantanali ravishda taqdirlandi.
Ushbu nufuzli mukofot institut rektorining yoshlar tarbiyasi, ta’lim sohasidagi izchil yutuqlari hamda innovatsion yondashuvlari e’tirofi sifatida topshirildi. Marosim davomida “Yoshlarni qo‘llab-quvvatlash | Rasmiy kanali” asoschisi Egamnazar Abdulboqiyev tomonidan professor Shahzoda Negmatovaga statuetka, faxriy diplom va universitet talabalari uchun 14 million so‘mlik sertifikat taqdim etildi.
Shu bilan birga, mamlakatimizda olib borilayotgan islohotlar jarayonini keng yoritishda ko‘rsatgan xizmatlari uchun kanal asoschisiga samimiy minnatdorchilik bildirilgan holda, esdalik sovg‘alari topshirildi.
Mazkur marosim nafaqat ta’lim sohasida yuksak natijalarga erishganlarni e’tirof etish, balki yosh avlodga ilhom va motivatsiya berish yo‘lida yana bir muhim qadamdir.
Oʻzbekiston-Finlandiya pedagogika instituti
Axborot xizmati