- 2025-12-22
- 5882
Samarqand davlat pedagogika instituti rektori, professor Shahzoda Negmatova institut talabalari bilan ochiq muloqot shaklida uchrashuv o‘tkazdi.
Uchrashuv davomida davlatimiz rahbari tomonidan yoshlarga yaratilayotgan keng imkoniyatlar, ta’lim tizimida amalga oshirilayotgan islohotlar hamda ularning amaliy natijalari xususida atroflicha so‘z yuritildi. Rektor talabalar bilan samimiy va ochiq muloqot olib borib, ularning muammolari, fikr-mulohazalari va takliflarini diqqat bilan tingladi.
Muloqot jarayonida ko‘tarilgan masalalar institutning tegishli bo‘limlari tomonidan tahlil qilinib, ularni hal etish yuzasidan aniq va manzilli chora-tadbirlar ishlab chiqilishi ta’kidlandi.
Mazkur uchrashuv ta’lim sifati va institutdagi ijtimoiy muhitni yanada yaxshilash, talabalar duch kelayotgan muammolarni o‘z vaqtida aniqlash va bartaraf etishda muhim ahamiyat kasb etdi. Shuningdek, ochiq muloqot talabalar ijtimoiy faolligini oshirish, konstruktiv fikr almashuvini yo‘lga qo‘yish hamda institut rahbariyati bilan samarali hamkorlikni mustahkamlashga xizmat qildi.
Rektor va talabalar o‘rtasidagi ushbu uchrashuv institut jamoasining birdamligini namoyon etib, ta’lim muassasasi nufuzini yanada oshirishga xizmat qilmoqda.
Samarqand davlat pedagogika instituti
Axborot xizmati