Fakultet haqida
O‘zbekiston-Finlandiya pedagogika instituti Ilmiy Kengashining 2023-yil 3-iyuldagi 9-sonli qaroriga asosan amaliy matematika va fizika fakulteti tashkil etilgan. Bugungi kunda fakultetda jami 51 nafar professor-o‘qituvchilar (jumladan, 1 nafar fan doktori, 16 nafar fan nomzodi) mavjud bo‘lib, matematika, fizika, informatika, astronomiyaga oid ilmiy tadqiqotlar olib bormoqda.
Fakultet bugungi kunda Finlandiyaning Turku universiteti, Rossiya fanlar akademiyasi N.V.Pushkova nomidagi Kosmik nurlarni tadqiq qilish instituti, Rossiya fanlar akademiyasi P.N.Lebedev nomidagi Fizika instituti, A.I.Gersen nomidagi Rossiya Davlat pedagogika universiteti, Novosibrsk davlat universiteti, Vena (Avstriya) universitetlari bilan yaqindan ilmiy hamkorlik aloqalarini yo‘lga qo‘ygan.
Fakultet professor-o‘qituvchilari 2023-2024-o‘quv yili yakunlariga ko‘ra, 16 ta SCOPUS bazasiga kiruvchi jurnallarda maqola chop etgan.
Shuningdek, professor-o‘qituvchilarimiz Qozon Federal universiteti, Kozma Minin nomidagi Nijniy Novgorod davlat pedagogika universitetlarida stajirovka o‘tab qaytgan.
Fakultetda iqtidorli talabalarni ilmiy-tadqiqot ishlariga jalb qilish tizimli yo‘lga qo‘yilgan.
Jumladan:
- 3-bosqich talabasi Madina Teshayeva 2023-yilda Islom Karimov nomidagi Davlat stipendiyasi sovrindori bo‘ldi;
- “Matematika va informatika” ta’lim yo‘nalishi iqtidorli talabalaridan tashkil topgan jamoa 2023-yil 23-29 noyabr kunlari Qoraqalpog‘iston Respublikasi Nukus shahrida talabalar o‘rtasida o‘tkazilgan Muhammad Al-Xorazmiy nomidagi matematika xalqaro olimpiadasida 1 ta kumush (Erali Boyqobilov), 3 ta bronza (Mehroj Otamurodov, Ibrohim Abdullayev, Javohir Boltaboyev) medalini qo‘lga kiritdi;
- 2024-yil 3-8-mart kunlari Turkmanistonda o‘tkazilgan Oliy ta’lim muassasalari talaba-yoshlari o‘rtasidagi Xalqaro matematika olimpiadasida (OMOUS-2024) yakkalik bahslarida 2 ta bronza (Erali Boyqobilov, Javohir Boltaboyev), jamoaviy bahslarda 3-o‘rinni egallab, bronza medalini (Erali Boyqobilov, Mehroj Otamurodov, Javohir Boltaboyev, Ibrohim Abdullayev) qo‘lga kiritdi;
- 2024-yil 21-23-aprel kunlari Rossiya Federatsiyasida o‘tkazilgan xalqaro matematika (10-NCUMC) olimpiadasida 13 nafar iqtidorli talabalar muvaffaqiyatli ishtirok etib, 3 ta oltin (Erali Boyqobilov, Ibrohim Abdullayev, Mehroj Otamurodov ) hamda 10 ta bronza medali (Dilnoza Abdullayeva, E'zoza Ilhomova, Alijon Umaraliyev, Akbar Muhammadiyev, O'raltosh Pulatova, Asliddin Uralov, Javohir Baltabayev, Boymatov Asilbek, Abror Kilichov, Toshniyoz O'sarov) sohibi bo‘ldi.
Fakultet tuzilishi:
Matematika va informatika kafedrasi;
Fizika va astronomiya kafedrasi.
Amaliy matematika va fizika fakulteti fakulteti quyidagi yo‘nalishlar bo‘yicha bakalavrlar va magistrlar tayyorlaydi.
Bakalavr:
- 60110600 - Matematika va informatika,
- 60110700 - Fizika va astronomiya.
Magistratura:
- 70110601 – Aniq va tabiiy fanlarni o‘qitish metodikasi (matematika);
- 70110602 – Ta’limda axborot texnologiyalari;
- 70110701 - Aniq va tabiiy fanlarni o‘qitish metodikasi (fizika va astronomiya).
Fakultetda talabalarning bo‘sh vaqtini mazmunli tashkil etish maqsadida “Yosh tadqiqotchi”, “Kompyuter savodxonligi”, “Fizika”, “Astronomiya”, “Robototexnika va elektronika” to‘garaklarining faoliyati tizimli tashkil etilgan.
