FAKULTET TARIXI
O’zbekiston-Finlandiya pedagogika institutining “Jismoniy madaniyat, sport va maktabgacha ta’lim” fakulteti Institut Kengashining 2023-yil 28-avgustdagi qarori bilan qayta tashkil etildi. Bunga qadar “Aniq va tabiiy fanlar, jismoniy madaniyat” deb atalib, 2021-yildan beri faoliyat yuritib kelayotgan edi. Fakultet 2 yilda katta natijalarga erishdi, kelgusida ham o‘zining faoliyatida ulkan marralarni zabt etishga tayyor.
2021-2022-yillarda fakultetni prof.B.T.Haydarov, 2023-yildan hozirgi paytgacha dots.Sh.T.Normo’minov dekan sifatida boshqarib kelmoqda. Dastlab fakultetda Aniq fanlar, Tabiiy fanlar, Jismoniy madaniyat yo’nalishlarida xalq ta’limi sohasi uchun malakali mutaxassislar tayyorlash yo’lga qo’yildi. 2023-2024 – o’quv yilidan boshlab Maktabgacha ta’lim yo’nalishi fakultetga biriktirildi va Aniq falar va Tabiiy fanlar yo’nalishlari alohida fakultet bo’lib shakllantirildi. Shundan so’ng Fakultetda Jismoniy madaniyat, Sport faoliyati va Maktabgacha ta’lim yo’nalishlari faoliyat yuritmoqda. Fakultet respublikamizning xalq ta’limi tizimi uchun yuksak salohiyatli, malakali kadrlarni tayyorlashda yetakchilar qatorida bo’lib, mamlakatimizning ijtimoiy-iqtisodiy, ilmiy-pedagogik rivojlanishiga o‘zining munosib hissasini qo‘shib kelmoqda.
Jismoniy madaniyat, sport va maktabgacha ta’lim fakultetida “Jismoniy madaniyat nazariyasi va metodikasi”, “Sport turlarini o’qitish metodikasi” va “Maktabgacha ta’lim” kabi 3 ta kafedra mavjud bo’lib, bugungi kunda jami 60 nafardan ziyod asosiy va 40 dan ziyod o’rindoshlik asosida malakali professor-o‘qituvchilar jamoasi faoliyat ko‘rsatmoqda.
Jismoniy madaniyat, sport va maktabgacha ta’lim” fakulteti 3 ta kafedradan iborat:
- "Jismoniy madaniyat nazariyasi va metodikasi" kafedrasi
- "Sport turlarini o’qitish metodikasi" kafedrasi
- "Maktabgacha ta’lim" kafedrasi
Fakultet tarkibida quyidagi yo‘nalishlar mavjud:
- 60110200 – Jismoniy madaniyat
- 61010300 – Sport faoliyati
- 60110200 – Maktabgacha ta’lim
Ma’naviy-marifiy ishlar
Fakultetda ma'naviy-ma'rifiy ishlar bo'yicha yillik ish reja asosida faoliyat olib boriladi. Ushbu rejada eng ustuvor yo'nalishlardan biri bu Prezidentimiz tomonidan ilgari surilgan “5 muhim tashabbus” bo’lib xizmat qilmoqda. Bundan tashqari ma'naviy-ma'rifiy ishlar, tashkiliy ishlar, fakultet jamoasida umumiy va pedagogik madaniyatni amalga oshirishga qaratilgan ma'naviy-ma'rifiy ishlar, jamiyat taraqqiyotiga munosib hissa qo'shishga qodir shaxsni shakllantirish borasida ta'lim muassasalari, ota-onalar, Mahallalar, davlat va jamoat tashkilotlari bilan hamkorlik ishlari, milliy qadriyatlar va an'analar, ajdodlarimizning boy madaniy me'rosini targ'ib etish, milliy bayramlar, tarixiy sanalarni nishonlash, ommaviy axborot vositalarida targ'ibot-tashviqot ishlari, yoshlarning bo'sh vaqtini mazmunli tashkil etish, talalabalar turar joylarida hamda xususiy xonadonlarda yashovchi talabalar bilan olib boriladigan ma'naviy-ma'rifiy ishlar, ijtimoiy himoya tadbirlari kabi turli sohalar bo'yicha faoliyat olib boriladi. Bundan tashqari iqtidorli yoshlarni aniqlash va ular bilan olib boriladigan ishlar hamda ularni Respublika miqyosidagi nufuzli ko'rik-tanlov va Davlat stipendiyalariga tayyorlash borasidagi ishlardan iborat.
Fakultetda 2021-2022-o'quv yilida fakultet dekani tashabbusi bilan universitet rektori buyrug'i asosida ilmiy-tadqiqot ishlar bo'yicha fakultet ilmiy kengashi faoliyati yo'lga qo'yildi. Fakultet tarkibiy tuzilmasiga bо‘ysunuvchi kafedralarda doktorant, tayanch doktorantlar va mustaqil izlanuvchilari muayyan yо‘nalish bо‘yicha ilmiy tadqiqot olib boradi. Fakultetda oliy malakali ilmiy va ilmiy pedagogik kadrlar tayyorlash belgilangan tartibga ko‘ra amalga oshiriladi.Fakultetda professor-о‘qituvchilar tarkibi, ilmiy xodimlar, о‘quv-yordamchi va boshqa xizmatchilar lavozimlari mavjud. Fakultet tarkibiy tuzilmasidagi xodimlarning chet el xizmat safarlari Vazirlik tomonidan tasdiqlangan “О‘zbekiston Respublikasi oliy ta’lim muassasalaridan xorijiy safarlarga borish tartibi tо‘g‘risida”gi muvaqqat Yо‘riqnoma asosida, universitet rektorining roziligi bilan amalga oshiriladi. Fakultet tarkibiy tuzilmasidagi kafedralarda faoliyat olib boruvchi professor-о‘qituvchilar uch yilda kamida bir marotaba malakasini oshiradilar. Fakultet tarkibiy tuzilmasidagi xodimlarining huquq va majburiyatlari universitetning Nizomi, Ichki tartib va Odob-axloq qoidalari hamda lavozim yо‘riqnomalari bilan belgilanadi.
